11 сарын 25 (Лхагва)
Улаанбаатар -11oC (Цас)
Дархан -8oC (Үүлшинэ)
Багануур -13oC (Үүлшинэ)
Ханбогд -5oC (Үүлшинэ)

Байгаль нуурыг Монголд буцааж өгөх ёстой гэв

2016-11-11
Байгаль нуурыг Монголд буцааж өгөх ёстой гэв

Украины нэрт улстөрч Антоний Геращенко цахим хуудастаа нэгэн сонирхолтой мэдээлэл байрлуулсан нь ОХУ, Монголд Сибирь, Байгаль нуур орчмыг буцаан өгөх ёстой талаар байв.

Тэрбээр "ОХУ дээрэнгүй зан гаргаж хөршүүдээсээ газар нутгийг нь үргэлж булааж ирсэн орон. Тиймдээ ч Крымийг Украинаас булааж авсан. Хэрэв зээ Крым хууль бусаар Укрианд ирсэн гэж Оросууд үзэж байгаа бол 1867 онд II Александ хаан Сибирийг АНУ-д зарсан явдал ч хууль бус юм.

Үүнтэй адилаар Монгол Улсаас булааж авсан Сибирь, Байгаль нуур, Буриадын нутгийг Кремль жинхэнэ эздэд нь буцааж өгөх ёстой” гэжээ.

Украины улстөрчид ОХУ-ын эсрэг эрс шийдэмгий байр суурь баримтлах болоод удсан. Украинчууд хилийн маргаан, газар нутгийн дээрэм тонуулын жишээ авах бүртээ ОХУ-ын хил залгаа орнуудын талаар бичдэг. Энд Монгол Улсын тухай цөөнгүй дурьдагдсан байдаг.

Дашрамд, Монгол Улс Сибирь, Буриад, Байгаль нуурыг 1688 онд Халх, Ойрадын дайны дараа Орост алдсан байдаг. Тэр үед Зүүнгарын хаан Галдан бошгот Оросууд Түшээт хантай дайтаж буйг овжиноор ашиглан оросуудтай хуйвалдаж Халх Монгол руу довтолжээ.

Хүч нь сульдсан халхууд 1688 оны зун хойд талдаа Оросууд төв нутагтаа Галдангийн цэргүүдэтй хоёр газар ялагдал хүлээснээр Сибирь, Байгаль нуур Оросын эрх мэдэлд очсон юм.

Украины улстөрч А.Геращенко "Монголчууд хууль бусаар газар нутгаа алдсан учир зарга үүсгэвэл алдагдсан нутгаа авах эрх зүйн үндэс бүрэлдэх учиртай” гэжээ.

ord.mn

Холбоотой мэдээ

Багануур, Шивээ-Овоогийн уурхайд техник технологийн шинэчлэл хийв

У.Хүрэлсүх: Уул уурхай, металлургийн цогцолбор төслийг дэмжиж ажиллана

ОХУ Хойд Солонгосын загасчинд 4 жилийн хорих ял оноов

Умард туйлд 38 хэм халж, Сибирийн ой шатаж байна